Быйыл Бөйөк Еңеүҙең 76-сы яҙын ҡаршылайбыҙ. Ошо уңайҙан Таҙлар урта мәктәбендә тәрән йөкмәткеле саралар үтә. 30 апрель көнө,  үҫеп килеүсе йәш быуынға хәрби-патриотик тәрбиә биреү, сәләмәт йәшәү рәүешен пропагандалау йәһәтенән, Еңеү көнөнә арналған  «Еңеүгә тиңләшәйек»  тип аталған еңел атлетика эстафетаһы үткәрелде. Физкультура уҡытыусыһы Аҡкөбәков Фидәрис Насырулла улы эстафетаны уҙғарыу өсөн программа төҙөнө. Был эстафета биш этапта  үтте: башланғыс класс уҡыусылары – 500 метрға,  5-11класс уҡыусылары – 1500 метрға йүгерҙе. Спорт менән шөғөлләнеүгә балалар һәм үҫмерҙәрҙе йәлеп итеүгә уҡытыусылар ҙа үҙ өлөшөн индерҙе улар 500 метрлыҡ маршрут  үтергә теләк белдерҙе.