3 декабрҙә Таҙлар урта мәктәбендә үткән “Беҙ тормошто һайлайбыҙ ” темаһына “Түңәрәк өҫтәл”ендә бәлиғ булмағандар эштәре буйынса инспектор Тимербулатова И.И., УУП Каракинов Л.И., район үҙәк больницаһынан гигиена тәрбиәһе биреү буйынса белгес Ваһапова Г.Г., ауыл хакимиәте эштәре менән идара итеүсе Пряникова Е.А., Таҙлар ауылы мәҙәниәте художество етәксеһе Филатова А.А., ата-әсәләр комитеты ағазаһы Хәмитова Л.Ф. ҡатнашты һәм сығыш яһаны. Был профилактик сара "Наркотиктарһыҙ тормош" акцияһы һәм тәрбиәүи эштәр буйынса директорҙар урынбаҫарҙарының район семинары уңайынан үтте. Шулай уҡ “Түңәрәк өҫтәл”гә 9-11 класс уҡыусылары саҡырылды. Уҡыусылар шиғырҙар һөйләнеләр, "Ассоциация" уйыны уйнанылар, күп һорауҙарға яуап алдылар, үҙҙәренең спортҡа һәм сәләмәт йәшәүгә ыңғай ҡарашта икәнлеген күрһәттеләр.